­【教仔神器】90後不認識「藤條炆豬肉」　勾起網民童年回憶︰3支紮埋一齊打

好多人細細個都試過「藤條炆豬肉」，但此「教仔神器」原來已開始式微！有90後見到有雜貨店賣藤條，竟然問這些是甚麼？有網民神回「炆豬肉用」，又驚嘆新一代好幸福，沒有經歷過體罰，但有90後留言反駁話媽媽仍有用藤條，打仔女前還可以先選顏色……

有網民在facebook群組《Tai Po 大埔》上載了一張雜貨店賣藤條的相片，並寫道「有位90後問我呢啲是乜嘢？」這位90後看來從未試過被體罰，「實在太幸福」。

帖文一出迅吸過千likes，勾起了很多網民的童年集體回憶。有網民讚藤條「簡直是媽媽神器，細細條打落黎，痛到呱呱叫。」有媽媽購買時會試一試邊支最痛，更會一次過買幾支，因為一支容易折斷。

細個啪斷咗一支諗住唔駛俾人打，第二日見到有三支紮埋一齊。
我媽係用孖條！一條太無力了！
我媽以前係用幾條紮埋一齊，一野fit落我度，嗰種感覺hihi到呢……

藤條另一特色是頭部有顏色膠條包著，方便分類，又可讓「喊咁口」的孩子選顏色，以得到一點慰藉。

我93年都知係咩……果（嗰）時仲可以俾我揀顏色，我一定喊著答「粉紅色」。

有不少90後留言平反，不認識「藤條炆豬肉」只是個人問題，不應標籤90後，「90後都好多父母用藤條，就算00後都可以有人知」。較年長的網民回應指，90前的確人人皆知，因為90年代開始父母施展體罰要坐監，就愈來愈少父母用。

以前年代的打仔神器更誇張，爸爸會用木棍、鐵棍，阿婆也會用棍毆，「我阿婆年代用擔挑一棍棍吽落去」，阿婆一打仔立即龍馬精神。有媽媽較喜歡用雞毛掃，「fit fit聲先係皇道」，連「葉問甄子丹」都用。

有人認為用「膠水管」打仔最痛，「打完兩邊腫起，個衝力推到兩邊肉都腫」；最有型的打痕一定要數到衣架，「手上會有個Nike嘅logo」，返學都不怕俾人笑。